Poslovne vijesti - Makedonija

Македонскиот катастар ќе се модернизира

Македонскиот и хрватскиот катастар наесен ќе бидат вклучени во регионален проект за воспоставување цврста инфраструктура на просторните податоци, како обврска од европската директива Инспире.

Вредноста на проектот е 1,5 милион евра, а се финансира од Европската унија. Двете институции ќе разменуваат научни и технички информации, прописи, спецификации, стандарди и производи и ќе соработуваат во обуки на вработените, како подготовка и реализација на регионални проекти од заеднички интерес.

Подготовката на инфраструктурата на просторните податоци во која ќе учествуваат преку проект Македонија и Хрватска е подлога за функционирање на сите институции што се занимаваат со недвижен имот во ЕУ. Од носењето на директивата Инспире во 2007 година, сите држави кои се во процес на пристапување кон ЕУ се должни во постојната регулатива да вклучат одредби со кои ќе ги регулираат овие просторни податоци.